放假囉！

話咁快又到快樂聖誕。今年假期特別長。由明天開始，雖則多數都要返去做，但都是假期來的。連起來有4日咁多，好多年無試過囉！

今日聖誕派對收穫不俗，有三份咁多，兩份靠實力，一份人人都有獎。雖則部 mp3機頹了點，但都算是安慰。

三個月試用期已過，人工當然有調整，但幅度都幾驚人的 "低"，仲要話明4月Review時多數無份。再挨一挨吧！

旅行

話咁快兩星期無寫，工作實在太忙，回家都不太想開機。

在各死期來臨之前，工司安排一個秋季旅行。地點為大尾篤。原來是無乜新期，皆因不久前才來過。但食物就新奇和選擇多，全由公司阿姐包辦，一字曰︰強。我選以清淡的海鮮為主，大眼雞、烏頭、海蝦、生蠔、大鱔皆為我所愛，再加冬菇、雞腿菇、茄子，配蕃薯、腐竹蛋糖水，伴以夕陽美景，正！

輕鬆過後，返去再搏過！